ოფიციალურად: ერიკ აბიდალი "ბარსელონაში" ბრუნდება

რამდენიმე წუთის წინ "ბარსელონამ" გაავრცელა ინფორმაცია, რომლის თანახმადაც, ერიკ აბიდალი კატალონიურ კლუბს უბრუნდება და ტექნიკური მდივნის პოსტს დაიკავებს.

"ბარსას" ოფიციალური ვებგვერდის ინფორმაციით, რობერტ ფერნანდესს, რომელსაც კონტრაქტი მიმდინარე თვის ბოლოს უმთავრდება, ხელშეკრულებას არ გაგურძელებენ. მის ადგილს ერიკ აბიდალი დაიკავებს, რომელიც ფეხბურთის პირველი გუნდის ტექნიკური მდივანი იქნება. "ბარსელონას" ყოფილი ფეხბურთელის პრეზენტაცია 18 ივნისს შედგება.

ერიკ აბიდალი "ბარსელონაში" 2007-2013 წლებში თამაშობდა. კატალონიელთა მაისურით მან 193 მატჩი ჩაატარა, 2 გოლი გაიტანა და 15 ტიტული მოიგო. ამ დროის განმავლობაში, ფრანგს 2-ჯერ აღმოუჩინეს ღვიძლის სიმსივნე. პირველმა ოპერაციამ დროებითი შედეგი გამოიღო, მეორის შემდეგ კი, ავადმყოფობა საბოლოოდ დამარცხდა.

დღეს ასევე გავრცელდა ინფორმაცია, რომლის თანახმადაც, შესაძლოა, "ბარსელონაში" მუშაობა ტიერი ანრიმაც დაიწყოს.