ბრაზილიის ნაკრები ჯგუფიდან პირველი ადგილით გავიდა

E ჯგუფის მესამე ტურში, ერთმანეთს სერბეთის და ბრაზილიის ნაკრებები დაუპირისპირდნენ. ბრაზილიელებს ჯგუფიდან გასვლა ფაქტიურად განაღდებული ჰქონდათ და ეს რომ არ მომხდარიყო, მათ უნდა წაეგოთ, ისევე როგორც პარალელურად კოსტა რიკას შვეიცარიასთან. 

სამხრეთ ამერიკელებმა ანგარიში 36-ე წუთზე, "ბარსელონელების" შესანიშნავი კომბინაციის შედეგად გახსნეს, მეორე ტაიმში კი გოლი ტიაგო სილვამაც გაიტანა. შეხვედრა 2-0 დასრულდა. 

მთავარმა მწვრთნელმა მეორე ნახევარში მოედნიდან კატალონიური გუნდის ორივე მოთამაშე გაიყვანა. 66-ე წუთზე პაულინიო ფერნანდინიომ ჩაანაცვლა, 80-ე წუთზე კი, ფილიპე კოუტინიო - რენატო აუგუსტომ. 

რაც შეეხება მეორე მატჩს, შვეიცარია ორჯერ იგებდა, მაგრამ კოსტარიკელებმა ანგარიში ორჯერ გაათანაბრეს.

შესაბამისად, ბრაზილია პირველ ადგილზე გავიდა, შვეიცარიამ კი მეორე პოზიცია დაიკავა. სამხრეთ ამერიკელები 1/8 ფინალში მექსიკას შეხვდებიან.