ლიონელ მესი "ბარსელონას" ისტორიაში ყველაზე ტიტულიანი ფეხბურთელია

ესპანეთის სუპერთასის მოპოვების შემდეგ, "ბარსელონას" ახალი კაპიტანი, ლიონელ მესი, კლუბის ისტორიაში ყველაზე ტიტულიანი ფეხბურთელი გახდა. არგენტინელის ანგარიშზე, ახლა 33 გუნდური ჯილდოა. მან 4-ჯერ ჩემპიონთა ლიგის, 9-ჯერ ლა ლიგის, 3-ჯერ საკლუბო მსოფლიო თასის, 6-ჯერ კოპა დელ რეის, 3-ჯერ ევროპის და 8-ჯერ ესპანეთის სუპერ თასის მოგება მოახერხა. 

მესიმ ანდრეს ინიესტას გაასწრო, რომელსაც "ბლაუგრანას" მაისურით 32 ტიტული აქვს მოგებული. ხუთეულში მათთან ერთად ჟერარ პიკე, სერხიო ბუსკეტსი და ჩავი ერნანდესი შედიან.