"ბარსელონამ" ლა ლიგაში პირველი ქულები დაკარგა

ლა ლიგის მე-5 ტურში, "ბარსელონამ" "ჟირონას" უმასპინძლა და მხოლოდ 1 ქულა მოიპოვა. 

ანგარიში მე-19 წუთზე ლიონელ მესიმ გახსნა, რასაც კლემან ლანგლეს გაძევება, დაცვაში დაშვებული შეცდომები და კრისტიან სტუანის დუბლი მოყვა. ჟერარ პიკემ შეცდომა ნაწილობრივ გამოასწორა და 63-ე წუთზე გაათანაბრა: 2-2. ამის შემდეგ, მასპინძლებმა შეტევა უფრო აქტიურად დაიწყეს, მაგრამ გატანა ვეღარ მოახერხეს. 

ასე რომ, ერნესტო ვალვერდეს გუნდი ერთპიროვნული ლიდერი აღარაა და სათავეში "რეალის" მსგავსად, 13 ქულითაა. თუმცა, "ბარსა" მაინც პირველ ადგილზეა, რადგან მადრიდელებთან შედარებით უკეთესი ბურთების სხვაობა აქვს.

მომდევნო ტურში, კატალონიელები 26 სექტემბერს "ლეგანესს" ესტუმრებიან.