სერხიო რამოსი: ”მე არ მინდოდა ლეო მესისთვის ზიანის მიყენება”

”ჩვენ უკმაყოფილონი ვართ ”კლასიკოში” ნაჩვენმები თამაშით. ”ბარსელონა” წლების განმავლობაში აშენებდა იმ სტილს, რომლითაც დღეს თამაშობს. მათ შესანიშნავად ითამაშეს. ჩვენ ვულოცავთ მათ, იმიტომ რომ იმ დღეს ყველაფერი კარგად გააკეთეს. ეს იყო ერთ-ერთი ყველაზე უცნაური დღე ჩვენთვის, ჩვენ არაფერი გამოგვდიოდა.” - განაცხადა სერხიო რამოსმა ვარჯიშის შემდგომ გამართულ პრეს კონფერენციაზე.
”ჩვენ ვერ შევცვლით შედეგს. ყველანი დამნაშევენი ვართ ამაში და ვცდილობთ, ყველაფერს გავართვათ თავი. ჩვენ ყველას უნდა ვაჩვენოთ ის სიამაყე, რომელიც ”რეალის” სახელთან ასოცირდება, არ უნდა დავყაროთ ფარ-ხმალი დაკარგული სამი ქულის გამო. სეზონი გრძელია. ფეხბურთში მუდმივად ხდება ცვლილებები. ჩვენ პასუხისმგებლობით უნდა მოვეკიდოთ ვარჯიშებს. ეს არ არის სამყაროს დასასრული. ფეხბურთი გრძელდება და ჩვენ მხოლოდ ორი ქულა გვაშორებს ”ბარსელონასგან”.”
”ვერცერთი ფეხბურთელი ვერ იტყვის, რომ მას სერხიო რამოსისგან ტრავმა აქვს მიღებული. მე ვაღიარებ, რომ შეცდომა დავუშვი, თუმცა მე არ მინდოდა ლეო მესისთვის, ან სხვა რომელიმე ფეხბურთელისთვის ზიანის მიყენება. მე არასდროს გამოვდივარ მოედანზე ასეთი მოტივწბით. ბოდიში მინდა მოვუხადო ყველას, ვისაც ცუდი შთაბეჭდილება დარჩა ჩემზე. განსაკუთრებით კი, ეს ბავშვებს ეხება.”