ერნესტო ვალვერდე: ვიმედოვნებთ, რომ სუარესი "ესპანიოლთან" თამაშს შეძლებს

"ბარსელონას" მთავარი მწვრთნელი, ერნესტო ვალვერდე იმედოვნებს, რომ ესპანეთის ჩემპიონატის მე-15 ტურის მატჩში, "ესპანიოლთან", რომელიც 8 დეკემბერს შედგება, ლუის სუარესი მოედანზე დაბრუნდება.

"ჩვენ ოპტიმისტურად ვართ განწყობილები სუარესის "ესპანიოლთან" მატჩში მონაწილეობაზე. "კულტურალ ლეონესასთან" ხვალინდელ მატჩში ის არ ითამაშებს, მაგრამ ვიმედოვნებთ, რომ "ესპანიოლთან" თამაშისთვის დაბრუნებას შეძლებს. ეს არ ნიშნავს, რომ ის ნამდვილად გამოვა მოედანზე, მაგრამ ეს ძალიან გვინდა." - აცხადებს ვალვერდე.