უსმან დემბელე კლუბში მისდამი დამოკიდებულებით უკმაყოფილოა
"ბარსელონას" ახალგაზრდა ვარსკვლავი უსმან დემბელე მასთან დაკავშირებით კლუბში მიმდინარე მოვლენებით უკმაყოფილოა. ამ ინფორმაციას, El Chiringuito-ზე დაყრდნობით, Sport ავრცელებს.
უსმან დემბელეს რომ დისციპლინასთან დაკავშირებით პრობლემები აქვს და ის ვარჯიშებზე აგვიანებს, ეს არც სიახლეა და ამას არც არავინ უარყოფს. ფრანგი ფეხბურთელის უკმაყოფილებას იწვევს ის ფაქტი, რომ მისი დაგვიანების შესახებ ინფორმაცია პრესაში ძალიან სწრაფად ხვდება. ის ფიქრობს, რომ კლუბიდან ინფორმაცია ვიღაცას განზრახ გამოაქვს, მაგრამ ვერ ხვდები, რატომ ხდება ასე.
საქმე ისაა, რომ ვარჯიშებზე "ბარსელონას" სხვა ფეხბურთელებიც აგვიანებენ ხოლმე, მაგრამ ამის შესახებ პრესაში არ იწერება.
დემბელე უკმაყოფილოა იმითაც, რომ მისი თანაგუნდელების თხოვნით ვარჯიშის დროის ცვლილება შესაძლებელია, მას კი ასეთი ძალაუფლება არ აქვს.
ამ სიახლეზე კომენტარები გათიშულია.
კომენტარები [ 9 ]