"ბარსელონა" თავისი აღზრდილი ფეხბურთელისთვის იბრძოლებს

20 წლის გარემარბმა ესპანური გრანდების ყურადღება მიიპყრო.

როგორც გამოცემა AS იტყობინება, "ბარსელონას" ხელმძღვანელობა ზაგრების "დინამოს" მოთამაშის, დანი ოლმოს შესაძენად იბრძოლებს.

საინტერესოა, რომ ოლმო სწორედ "ბლაუგრანას" აღზრდილია. კატალონიელთა აკდემიაში ის შვიდი წლის განმავლობაში ირიცხებოდა, რის შემდეგაც ხორვატიაში აღმოჩნდა.

როგორც ცნობილია, "ბარსა" მზადაა, ახალგაზრდა ესპანელის სანაცვლოდ 25 მილიონი ევრო გადაიხადოს. თუმცა, საქმეში ასევე ჩართულია მადრიდის "რეალი", რომელიც 26-მილიონიანი შეთავაზების გაკეთებას აპირებს.

ხორვატიის ჩემპიონატის მიმდინარე სეზონში დანი ოლმომ 26 მატჩი ჩაატარა. მის ანგარიშზე 4 გოლი და 7 საგოლე გადაცემაა.

აღსანიშნავია, რომ 2018 წლის Golden Boy-ს ნომინაციაში ოლმომ მე-11 ადგილი დაიკავა.