ერნესტო ვალვერდე "ლივერპულთან" მატჩის წინ

"ბარსელონას" მთავარმა მწვრთნელმა, ერნესტო ვალვერდემ, "ლივერპულთან" მატჩის წინ, პრესკონფერენციაზე ისაუბრა.

"კლოპის კომენტარი? გასულ კვირაში, ფანებმა, "კამპ ნოუზე" გადამწყვეტი როლი ითამაშეს. აქ 90 000-ზე მეტი გულშემატკივარი მოდის და ამას დიდი მნიშვნელობა აქვს. იმედი გვაქვს, რომ ხვალ ისინი დაგვეხმარებიან. კლოპს, მისი კომენტარით, სიტუაციის დედრამატიზირება უნდოდა, რადგან საბოლოოდ, აქ არის მოედანი, რომელზეც ორი კარი დგას და 22 მოთამაშე ცდილობს გოლის გატანას."

"ლივერპული" ძლიერი გუნდია, ისინი მაღალ ტემპში თამაშობენ და შესანიშნავი თავდასხმა ჰყავთ. "მერსესაიდელები", პრემიერ ლიგაში, მხოლოდ ერთხელ დამარცხდნენ, ეს ფაქტი, ყველაფერზე მეტყველებს."

"სახლში ვთამაშობთ და ჩვენი მიზანი გამარჯვებაა, ვიცით, რომ "ლივერპულის" წინააღმდეგ, ორი კარგი მატჩი უნდა ჩავატაროთ. გასული წლის ფინალიდან, დღემდე, მათი შემადგენლობა თითქმის არ შეცვლილა."

"ისინი, თავის თავდამსხმელებს, ბურთით კარგად ამარაგებენ. "ლივერპულის" დაცვის ხაზი ზევით იწევს და ცდილობს, ბურთი შენს ნახევარზე წაგართვას, შემდეგ კი სწრაფად შეგიტიოს. მათ ზეწოლას თავი უნდა დავაღწიოთ და ჩვენც იმავეთი ვუპასუხოთ." - ციტირებს ერნესტო ვალვერდეს სიტყვებს Marca.

შეგახსენებთ, რომ მატჩი "ბარსელონასა" და "ლივერპულს" შორის, ხვალ, თბილისის დროით 23:00 საათზე დაიწყება.