სუარესი: მესი ძალიან განიცდის, როცა აკრიტიკებენ

ლუის სუარესი, რომელიც ურუგვაის ნაკრებთან ერთად კოპა ამერიკისთვის ემზადება, ლიონელ მესისკენ მიმართულ კრიტიკას ეხმაურება. 

"ვხედავ, რომ ბევრი ამბობს, თითქოს მესი ისეთ საქმეებში ერევა, რაც მას არ ეხება. ამბობენ, რომ ის მწვრთნელებთან და ფეხბურთელებთან დაკავშირებით გადაწყვეტილებებს იღებს, თუმცა ასე არაა. 

ვიცი, რომ "ბარსელონაში" მსგავსი არაფერი ხდება და ვფიქრობ, ნაკრებშიც ანალოგიური სიტუაციაა. მან თქვა, რომ ასეთი გადაწყვეტილებები გუნდის წევრებმა თავად უნდა მიიღონ. 

მესი ჩვეულებრივი ადამიანია და რა თქმა უნდა, ბრალდებებს ძალიან განიცდის. ფეხბურთელი ფანების კრიტიკისთვის მზად უნდა იყოს, მაგრამ ეს ზედმეტია". - ციტირებს სუარესის სიტყვებს Marca.