აგენტი: "ბარსელონა", სავარაუდოდ, ბოატენგს გამოისყიდის

32 წლის განელი თავდამსხმელის, კევინ-პრინს ბოატენგის აგენტი აცხადებს, რომ დიდი ალბათობით, "ბარსელონა" მის კლიენტს გამოისყიდის.

ცოტა ხნის წინ გავრცელდა ინფორმაცია, რომ "ბარსა" ბოატენგის 8 მილიონად გამოსყიდვას და მისი ლა ლიგის რომელიმე გუნდში გაშვებას გეგმავს. როგორც ჩანს, ეს ინფორმაცია სიმართლეს შეესაბამება.

"ბოატენგის "სასუოლოში" დაბრუნება? არ ვიცი, ეს რთული იქნება. ვფიქრობ, "ბარსელონა" მას გამოისყიდის და რომელიმე ესპანურ კლუბში გაყიდის. ბოატენგი თამაშს, სავარაუდოდ, ლა ლიგაში განაგრძობს." - ციტირებს ჯოვანი კარნევალის სიტყვებს Mundo Deportivo.