ტერ შტეგენმა, შესაძლოა, მეკარეების "ოქროს ბურთი" მოიგოს

მადრიდული AS-ის ცნობით, მარკ-ანდრე ტერ შტეგენი ლევ იაშინის სახელობის ჯილდოსთვის იბრძოლებს. France Football-ის ახალი ჯილდო მეკარეებისთვის "ოქროს ბურთივით" იქნება.

გერმანელი, სავარაუდოდ, მოხვდება ტიტულის კანდიდატთა 10-კაციან სიაში, რომელიც 21 ოქტომბერს გამოცხადდეება. 3 სავარაუდო კანდიდატი გალა ცერემონიას დაესწრება, როგორც ეს "ოქროს ბურთის" შემთხვევაში ხდება. გამარჯვებული პარიზში, 2 დეკემბერს გამოვლინდება.

10 კაციან სიაში ასევე მოიაზრებიან: მანუელ ნოიერი ("ბაიერნი"), უგო ლორისი ("ტოტენჰემი"), ედერსონი ("მანჩესტერ სიტი"), ტიბო კურტუა ("რეალი") და კეილორ ნავასი ("პარი-სენ ჟერმენი").

ჯილდოს ეს სახელი რუსი მეკარეს საპატივცემულოდ დაერქვა. ის ერთადერთი მეკარეა ისტორიაში, რომელმაც "ოქროს ბურთი" მოიგო (1963 წელი).