MD: ლაუტარო "ბარსელონაში" გადასვლის სურვილს გამოთქვამს
"ინტერის" თავდამსხმელი, ლაუტარო მარტინესი კარიერის "ბარსელონაში" გაგრძელებას გეგმავს, იტყობინება Mundo Deportivo.
კატალონიური კლუბი 22 წლის შემტევით დიდი ხანია ინტერესდება და მის ტრანსფერზე მოლაპარაკებებს აწარმოებს.
მოლაპარაკებების პროცესში, "ლურჯ-ბროწეულისფერთა" ერთ-ერთი უპირატესობა, შესაძლოა, თავად არგენტინელის "ბარსელონაში" გადასვლის სურვილი გახდეს.
წყაროს ინფორმაციით, "ნერაძურიში" იციან, რომ ლაუტაროს "ბარსაში" წასვლა უნდა. მისი კონტრაქტი 2023 წლამდეა გათვლილი, ხოლო გამოსასყიდი თანხა, ამ წლის პირველი ივლისიდან 15 ივლისამდე, 111 მილიონი ევრო იქნება.
მარტინესმა იცის, რომ "ბარსელონა" მისით სერიოზულადაა დაინტერესებული. კონტრაქტის შესაძლო გახანგრძლივებასთან დაკავშირებით, "ინტერის" მოთხოვნებს ფეხბურთელის წარმომადგენლებმა არ უპასუხეს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 3 ]