რაფაელ მარკესი: "ბარსელონა" უიღბლო გუნდი იყო, თუმცა რონალდინიოს დროს კვლავ აღზევდა

"ბარსელონასა" და მექსიკის ეროვნული ნაკრების ექს-მოთამაშემ, რაფაელ მარკესმა Yahoo News-სთან ინტერვიუში კატალონიური კლუბი გაიხსენა. 

"როდესაც "ბარსელონაში" გადავედი, გარკვეული თვალსაზრისით, ის უიღბლო კლუბი გახლდათ. კლუბი მოწოდების სიმაღლეზე არ იმყოფებოდა და ყოველთვის რაღაც აკლდა. 

მოხარული ვარ, რომ ცვლილებებში მონაწილეობა მივიღე, ეს კი რონალდინიოს დროს მოხდა. განახლებული შემადგენლობით, საცაც იყვნენ ჩავი, პუიოლი, ვალდესი, ყველაფერი ნელ-ნელა შეიცვალა. ჩვენ დიდი ასპარეზობები მოვიგეთ." - განაცხადა, მარკესმა. 

რაფაელ მარკესი "ბარსელონას" ღირსებას 2003-2010 წლებში იცავდა.