თამაშამდე დარჩა 10 დღე

ლა ლიგა სულ მალე განახლდება. გთავაზობთ 10 ინფორმაციას, რომელიც 13 ივნისს, "მალიორკასთან" შეხვედრამდე უნდა ვიცოდეთ.

1. გამომდინარე მაღალი ტემპერატურისა, რომელიც თამაშის თანმდევი ნაწილი იქნება, გუნდებს ექნებათ შესაძლებლობა, 5 ცვლილება განახორციელონ.

2. გუნდებს შეეძლებათ, განაცხადში 18-ის ნაცვლად, 23 ფეხბურთელი შეიყვანონ.

3. კლემან ლანგლე "მალიორკასთან" ვერ ითამაშებს, მან მეხუთე ყვითელი ბარათი, "რეალ სოსიედადთან" მიიღო.

4. "რეალ სოსიედადთან" დაპირისპირებიდან, "მალიორკასთან" გასამართ შეხვედრამდე, 98 დღე იქნება გასული. "კამპ ნოუზე" კი უფეხბურთობა, 101 დღის შემდეგ შეწყდება.

5. 1939 წელს, "ბარსა" უფეხბურთოდ, 172 დღის განმავლობაში დარჩა. ეს სამოქალაქო ომის პერიოდი იყო.

6. მოახლოებულ თამაშებში, დიდი მნიშვნელობა ექნება ფსიქოლოგიურ ფაქტორს, რადგან "ბარსას" ფანების გარეშე მოუწევს თამაშის ჩატარება. 11-დან 5 შეხვედრა, "კამპ ნოუზე" გაიმართება.

7. "მალიორკა" "ბარსელონა" ჩატარდება შაბათს, 23:55 საათზე.

8. "ბარსა" 8 წლის შემდეგ, პირველად ესტუმრება მალიორკას. ბოლო ყველაზე დასამახსოვრებელი შეხვედრა გაიმართა 2012/13 წლების სეზონში, როდესაც ლიონელ მესიმ პელეს გადაასწრო და ერთ კალენდარულ წელში, 76-ე გოლი გაიტანა.

9. "ბარსას" ლა ლიგის ამ სეზონში, ყველაზე მეტი გოლი გააქვს. კატალონიელთა ანგარიშზე 63 გოლია. ლიონელ მესი კი ბომბარდირთა დავას ლიდერობს და ამავე დროს, 12 საგოლე გადაცემა აქვს შესრულებული.

10. "ბარსა" სატურნირო ცხრილს 2-ქულიანი უპირატესობით ლიდერობს, ჩემპიონატის დასრულებამდე 11 ტურია დარჩენილი.