"ჩელსის" ტერ შტეგენის შეძენა სურს - რა არის "ბარსელონას" პოზიცია?

ახლახანს გავრცელებული ინფორმაციით, ლონდონის "ჩელსი" "ბარსელონას" კარის დარაჯის, მარკ-ანდრე ტერ შტეგენის ტრანსფერზე მუშაობს და გერმანელი მეკარის შეძენას ყველანაირად ეცდება. 

Mundo Deportivo-ს ცნობით "ბარსელონა" ტერ შტეგენის გაშვებას არც კი განიხილავს. ის იმ რამდენიმე ფეხბურთელს შორის შედის, რომლებსაც ხელმძღვანელობა გუნდს არცერთ ფასად არ დაატოვებინებს. 

"ჩელსი" კეპა არისაბალაგას თამაშით უკმაყოფილოა და ცდილობს, ის თანხის დამატებით სხვა კლუბს "მიასაღოს" და სანაცვლოდ მსოფლიო კლასის მეკარე დაიმატოს - თუ "ბარსასთან" შეთანხმება არ შედგება, "ლურჯები" მოლაპარაკებას მადრიდის "ატლეტიკოსთან", იან ობლაკთან დაკავშირებითაც აპირებენ.