ლეო მესის სამოტივაციო გამონათქვამები

ბოლო პერიოდში "ბარსას" ლეგენდის გარშემო ბევრი ჭორი აგორდა. ახლა უკეთესია, ცოტა ხანს ყურადღება ნეგატიური თემებიდან გადავიტანოთ.

ლიონელ მესი ყველა დროის ერთ-ერთ საუკეთესო ფეხბურთელადაა მიჩნეული. არგენტინელს, მრავალ საფეხბურთო აპექტთან ერთად, საინტერესო გამოთქმებიც ახასიათებს.

გვთავაზობთ ლეოს 14 საუკეთესო ფრაზას, რომელიც აუცილებლად უნდა გავითვალისწინოთ:

1. საკუთარი ოცნებების ასახდენად ბრძოლა გიწევს, მას ბევრი რამ უნდა შესწირო და მონდომებით იმუშაო.

2. საუკეთესო გადაწყვეტილებას არა გონებით, არამედ ინსტიქტით იღებ.

3. ლომი ცხვრების აზრზე არ დარდობს.

4. თუ რაიმე საკმარისად გიყვარს, ყველაფრის დაძლევა შეგიძლია.

5. ცხოვრებაში, მატჩის მოგებაზე ან წაგებაზე ბევრად მნიშვნელოვანი რაღაცები არსებობს.

6. ფული მოტივაციის წყაროს არ წარმოადგენს. მე მოტივაციას თამაში მაძლევს, რომელიც მიყვარს. როგორც პროფესიონალ ფეხბურთელს, გადასახადების გადახდა რომ არ მიწევდეს, უფასოდ ვითამაშებდი.

7. ზოგჯერ უნდა შეეგუო, რომ ყოველთვის ვერ გაიმარჯვებ.

8. როცა წელი სტარტს იღებს, მთავარი მიზანია, გუნდმა ყველაფერი მოიგოს, ინდივიდუალური ჯილდოები მეორეხარისხოვანია.

9. ცნობილ ადამიანად ყოფნა საშუალებას მაძლევს, დავეხმარო მათ, ვისაც ეს ნამდვილად სჭირდებათ, განსაკუთრებით ბავშვებს.

10. გოლის გატანა მიყვარს, თუმცა ასევე მიყვარს მეგობრების ყოლა იმ ადამიანებს შორის, ვისთანაც ვთამაშობ.

11. ყოველ წელს ვცდილობ, გავიზარდო როგორც მოთამაშე და მინდა, ერთ დონეზე არ დავრჩე. შეგძლებისდაგვარად, ჩემი თამაშის გაუმჯობესება მსურს. თუმცა, ეს თვისება არ არის რაღაც, რაზეც ვმუშაობ, ეს ჩემი ნაწილია.

12. ვფიქრობ - მუდამ განვითარება, ყოველთვის მეტი მიზნისკენ სწრაფვის სურვილი, თვითკრიტიკის უნარი და კარგისა და ცუდის მიღება - ჩემს წარმატებას განაპირობებს.

13. ჩემს ხასიათში ღრმად იმალება რაღაც, რაც ბურთზე დარტყმასა და გამარჯვებაში მეხმარება.

14. ერთადერთი რამ, რასაც მნიშვნელობას ვანიჭებ, თამაშია. მოედანზე ყოფნით ბავშვობიდან სიამოვნებას ვიღებდი. მწვანე მინდორზე ყოფნისას, ამის გაკეთებას ვცდილობ. ყოველთვის ვამბობდი, რომ როცა თამაშისგან სიამოვნებას ვერ მივიღებ, კარიერას დავასრულებ. ამას იმიტომ გავაკეთებ, რომ ფეხბურთი მიყვარს.