პრანდელი: "არ არსებობს ფორმულა, რომელიც ლიონელ მესის შეაჩერებს"

"ვალენსიას" მთავარი მწვრთნელი, ჩეზარე პრანდელი მიიჩნევს, რომ არ არსებობს ფორმულა, რომელიც საუკეთესო ფეხბურთელს შეაჩერებს, საუბარია ლიონელ მესიზე.

"ძალიან მშვიდად დამეძინება, რადგან ვიცი, რომ არ არსებობს ფორმულა, რომელიც ლიონელ მესის შეაჩერებს, ის ბრწყინვალეა.

არგენტინელი იმის მტკიცებულებაა, რომ თუ ხარ ნიჭიერი, მიზანდასახული და მებრძოლი, ისტორიას აუცილებლად შეცვლი.

ყველა ბავშვს უნდა, რომ იყოს მესი, ისინი სწორედ ისეთ წარმატებულ კარიერაზე ოცნებობენ, როგორიც ლეოს აქვს. ვამაყობ, რომ მას დავუპირისპირდები.

ვეცდებით მთელი მატჩის განმავლობაში კონცენტრირებულები ვიყოთ და მატჩი ტაქტიკურად კარგად ჩავატაროთ.

როცა "ბარსელონას" წინააღმდეგ გამოდიხარ, ხვდები, რომ გაგიჭირდება, მაგრამ უნდა იცოდე თუ როგორ გაურთულო სიტუაცია მათ საჭირო მომენტში." - დაასრულა პრანდელიმ.