"ბარსელონამ" მაქს აარონსთან შეთანხმებას მიაღწია | BBC
"ბარსელონამ" "ნორვიჩის" მარჯვენა მცველთან, მაქს აარონსთან შეთანხმებას უკვე მიაღწია. ამის შესახებ ინფორმაციას BBC-ის ჟურნალისტი გილემ ბალაგე ავრცელებს.
ცნობილი სპორტული ჟურნალისტის მტკიცებით, კატალონიელებმა 20 წლის ფეხბურთელთან, რომელსაც "ბლაუგრანაში" გადმობარგება სურს, 5-წლიანი კონტრაქტი შეათანხმეს.
იმავე წყაროს ცნობით, "ნორვიჩი" აარონსში 30 მილიონ ევროს ითხოვს, თუმცა ინგლისელები, შესაძლოა, თანხის შემცირებასაც დასთანხმდნენ. კატალონიელები ფეხბურთელის იჯარით აყვანის ვარიანტსაც განიხილავენ.
"ლურჯ-ბროწეულისფერები" აარონსს ნელსონ სემედუს შემცვლელად მოიაზრებენ. "ბარსა" დაცვის მარჯვენა ფლანგის გასაძლიერებლად სერჟინიო დესტის კანდიდატურასაც განიხილავს, თუმცა იგი მიუნხენის "ბაიერნში" გადასვლასთან ახლოსაა.
რაც შეეხება სემედუს, პორტუგალიელი მცველი, გავრცელებული ცნობების თანახმად, კარიერას "ვულვერჰემპტონში" გააგრძელებს.
ამ სიახლეზე კომენტარები გათიშულია.
კომენტარები [ 10 ]