ხვალ ძლიერ, ერთიან გუნდად დავდგებით - კუმანი "იუვენტუსთან" მატჩის წინ
რონალდ კუმანი "იუვენტუსთან" დაპირისპირებამდე პრესკონფერენციას მართავს:
"ჩვენი მიზანი ყველა მატჩის მოგებაა. გვსურს, რომ ჯგუფური ეტაპი ლიდერების ამპლუაში დავასრულოთ. 3-ქულიანი უპირატესობა გვაქვს და პირველი ადგილით გასვლა სავსებით რეალურია.
უსმან დემბელეს ტრავმა ერთ-ერთი მიზეზია, რატომაც განრიგის შესახებ ვდაობ. გადატვირთული გრაფიკის გამო, მოთამაშეებს ვკარგავთ. ფრანგის დაზიანება მისთვის უკან გადადგმული ნაბიჯია, რადგან, ბოლო პერიოდში, კარგად გამოიყურებოდა.
თუ ხვალ დავმარცხდებით, იმედგაცრუებული ვიქნები. მოთამაშეებს ვარჯიშზე უკვე ვუთხარი, რომ "კადისთან" გაშვებული გოლების მსგავსი აღარ უნდა განმეორდეს.
ბევრი შანსი შევქმენით, თუმცა ეფექტურად ვერ გამოვიყურებით და დაუშვებელ შეცდომებს ვუშვებთ. ამისი გაანალიზება საჭიროა.
მესის მხოლოდ საქმეზე ვეკონტაქტები, პერსონალური საკითხები უკანა ფლანგზეა.
პედრიმ 17 წლის ბიჭის კვალობაზე, მონაწილეობა ბევრ მნიშვნელოვან მატჩში მიიღო, ამას ნამდვილად იმსახურებდა.
ხვალ ძლიერ, ერთიან გუნდად დავდგებით, რადგან პირველი ადგილი გვინდა.
ფილიპე კოუტინიო? მას მოედანზე სრული თავისუფლება აქვს, მას ბალანსის პოვნა სჭირდება.
როგორც მოთამაშეს, არ მომწონს, როდესაც მწვრთნელი ფლანგზე დარბის და ყვირის. მოედანზე მეტი პასუხისმგებლობის აღება გვჭირდება.
რატომ გვაქვს სხვა შედეგი ლა ლიგაში? ესპანეთის ჩემპიონატში გუნდები კარგად გვიცნობენ და წინააღმდეგობას გვიწევენ.
მესი ჩვენს შეტევაში ძალიან მნიშვნელოვანი ფეხბურთელია. მისმა ფეხმა ბევრი მატჩი მოგვაგებინა. ხანდახან, მისი დანაშაული მხოლოდ ისაა, რომ მსოფლიოს საუკეთესო ფეხბურთელია, თუმცა ის დაცვაში შეცდომებს არ უშვებს.
პიანიჩი? ბოსნიელს "ბარსელონაში" განსხვავებული როლი აქვს, მის შესაძლებლობებში ეჭვი არ მეპარება.
მესი თუ რონალდუ? ორივე მოთამაშეს ვაღმერთებ, რადგან მათ ბევრი ლამაზი საღამო გვაჩუქეს.
დე ლიგტი? სირცხვილია, რომ ის "იუვენტუსში" თამაშობს და არა - "ბარსელონაში". თუმცა, ყველაფერი ჩემ მოსვლამდე გადაწყდა.
ამ სიახლეზე კომენტარები გათიშულია.
კომენტარები [ 13 ]