ბარსელონა-პსჟ - შემადგენლობა ცნობილია
"ბარსელონას" მთავარმა მწვრთნელმა რონალდ კუმანმა "პარი სენ-ჟერმენთან" მატჩისთვის გუნდის შემადგენლობა დაასახელა.
"ბარსას" სასტარტო თერთმეტეული ასე გამოიყურება:
ტერ შტეგენი, დესტი, პიკე, ლანგლე, ალბა, ბუსკეტსი, დე იონგი, პედრი, დემბელე, მესი, გრიზმანი.
კუმანმა პსჟ-სთან დაცვის მარჯვენა ფლანგი, წინა მატჩისგან განსხვავებით, არა ოსკარ მინგესას, არამედ სერჟინიო დესტს ანდო, მარცხენა ფლანგზე კი კვლავ ჟორდი ალბას ვიხილავთ.
ნიდერლანდელმა სპეციალისტმა ამ მნიშვნელოვან დაპირისპირებაში უკანახაზში, სამუელ უმტიტის ნაცვლად, ახალგამოჯანმრთელებული ჟერარ პიკე დააყენა. ესპანელი თითქმის 3-თვიანი უქმობის შემდეგ დღეს პირველად ითამაშებს. დაცვის ცენტრში იგი კლემან ლანგლეს შეუწყვილდება.
ნახევარდაცვაში, როგორც მოსალოდნელი იყო, ფრენკი დე იონგის, სერხიო ბუსკეტსისა და პედრის ტრიოს ვიხილავთ.
პსჟ-ს, რა თქმა უნდა, ლიონელ მესი, უსმან დემბელე და ანტუან გრიზმანი შეუტევენ.
შეხვედრა თბილისის დროით 00:00 საათზე დაიწყება.
ასევე გეტყვით, რომ ჩვენი საიტის მომხმარებლებმა შემადგენლობა ზუსტად გამოიცნეს.
ამ სიახლეზე კომენტარები გათიშულია.
კომენტარები [ 32 ]