"ინტერი" ჰაკიმის შემცვლელად ემერსონს განიხილავს
მილანის "ინტერმა" "ბარსელონას" ახალწვეულ მარჯვენა მცველს, ემერსონს დაადგა თვალი, იტყობინება Mundo Deportivo.
წყაროს ინფორმაციით, "ნერაძური" ბრაზილიელ მოთამაშეს აჩრაფ ჰაკიმის შემცვლელად განიხილავს, რომელიც, სავარაუდოდ, "პარი სენ-ჟერმენს" შეუერთდება. მოსალოდნელია, რომ ჰაკიმის გარდა, "ინტერი", ფინანსური კრიზისის გამო, სხვა საკვანძო მოთამაშეებსაც გაყიდის.
თუ მაროკოელი მცველი მილანურ კლუბს უახლოეს თვეებში დატოვებს, "ინტერი" ემერსონის ტრანსფერის განხორციელებას შეეცდება, რომელიც "ბარსელონამ" "ბეტისიდან", 9 მილიონ ევროდ გამოისყიდა.
აქამდე კი გავრცელდა ინფორმაცია, რომ რონალდ კუმანი 22 წლის ფეხბურთელზე იმედებს ამყარებს და მისი შენარჩუნება სურს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 9 ]