ბარსელონა და ატლეტიკო გრიზმანისა და საულის გაცვლაზე ფიქრობენ | MD

"ბარსელონა" და მადრიდის "ატლეტიკო" ფეხბურთელების გაცვლის საკითხს განიხილავენ. 

Mundo Deportivo-ს ინფორმაციით, საუბარია ანტუან გრიზმანისა და საულ ნიგესის ბარტერზე, რომლითაც ორივე კლუბი მოგებული დარჩება.

საულის მიღებით "ბლაუგრანა" იმ პროფილის ფეხბურთელს დაიმატებს, რომლის მსგავსიც ნახევარდაცვაში ძალიან ჭირდება. წყაროს თანახმად, ესპანელი რონალდ კუმანს ძალიან მოსწონს.

ფრანგი თავდამსხმელის გაყიდვით კი "ბარსა" სახელფასო ფონდს გამოათავისუფლებს, რაც ლიონელ მესისთვის კონტრაქტის გაფორმების საქმეში წინ გადადგმული ნაბიჯი იქნება. 

თავის მხრივ, დიეგო სიმეონე დიდი სიამოვნებით იხილავდა საყვარელ მოთამაშეს კვლავ თავის გუნდში. შეთანხმების მიღწევა, შესაძლოა, იმანაც გააადვილოს, რომ გრიზმანს "როხიბლანკოს" გულშემატკივრების გულები აქვს მოსაგები, რომლებიც გუნდის დატოვებით გაანაწყენა. ამისთვის კი, ხელფასის შემცირება შესანიშნავი შანსი იქნება.