დანი ოლმოს იანვარში შეძენა რთული იქნება

"ბარსელონა" ახლო მომავალში თავდამსხმელით გაძლიერებას აპირებს, კლუბის ხელმძღვანელების ფავორიტი კი დანი ოლმოა, რომელიც ამჟამად "ლაიფციგში" თამაშობს. 

კატალონიელებს სურთ, ახალგაზრდა ფეხბურთელი რაც შეიძლება მალე დაიმატონ, თუმცა, Mundo Deportivo-ს ინფორმაციით, ეს ადვილი არ იქნება. გერმანული კლუბი არ აპირებს, გუნდის ერთ-ერთ ლიდერს იანვარში შეელიოს და თუ "ბარსა" ამას მაინც მოინდომებს, შეთანხმება 60 მილიონ ევროზე ნაკლებად არ შედგება. 

როგორც იცით, ოლმო "ბარსას" აკადემიის აღზრდილია. მან ახალგაზრდულ გუნდში სათამაშო პრაქტიკის არქონის გამო გაბედული ნაბიჯი გადადგა და საკუთარი შესაძლებლობების დასამტკიცებლად ხორვატიაში გადაბარგდა. შეგვიძლია ვთქვათ, რომ დანიმ გამოწვევას თავი კარგად გაართვა, რადგან ამ სეზონში მისი დაბრუნება "ბლაუგრანას" პრიორიტეტია.