მანჩესტერ სიტი ფერან ტორესში 60 მილიონს ითხოვს - MD

“მანჩესტერ სიტის” ესპანელი შემტევის, ფერან ტორესის “ბარსელონაში” შესაძლო გადმოსვლასთან დაკავშირებით მორიგი ინფორმაცია ვრცელდება.

Mundo Deportivo-ს ცნობით, “ბარსა” “სიტის” ტორესის სანაცვლოდ 45 მილიონ ევროს სთავაზობს, თუმცა, “ქალაქელები” 60 მილიონს ითხოვენ. თანხებს შორის სხვაობა არცთუ ისე დიდია და ივარაუდება, რომ კლუბები ზამთრის სატრანსფერო ფანჯრის დასრულებამდე შეთანხმებას მიაღწევენ.

იგივე წყარო იტყობინება, რომ “ბარსელონას” ფერანის იანვარში დასარეგისტრირებლად სახელფასო ფონდის შემცირება დასჭირდება, რაც ფეხბურთელების გაშვებით მიიღწევა. სხვა ვარიანტი შემოსავლების გაზრდის მიზნით ახალი სპონსორების მოძიებაა.

21 წლის შემტევის სტატისტიკა მიმდინარე სეზონში ასეთია: 7 მატჩი, 3 გოლი და 2 ასისტი.