ჩავის კომენტარი ბილბაოს განადგურების შემდეგ

"ბარსელონას" მთავარმა მწვრთნელმა ჩავი ერნანდესმა ლა ლიგის 26-ე ტურის მატჩში (4-0) "ბილბაოს" დამარცხების შემდეგ კომენტარი გააკეთა.

- რა თქმა უნდა, ასეთ ცვლილებას ველოდი, რადგან ამაზე დიდი ხანი ვმუშაობდით... დღეს ეს გამოგვივიდა. მატჩის ბოლო ნაწილში 3 გოლი გავიტანეთ, მაგრამ მთელი თამაში ძალიან სოლიდურად გამოვიყურებოდით. ნებისმიერი შანსის ხელიდან გაშვება რთულია. შესანიშნავი შედეგი, ბრწყინვალე გრძნობა და თავმდაბლობა.

- ახლა გოლის გამტანი არაერთი ფეხბურთელი გვყავს. დაბრუნდა დეპაიც. დღეს კარგი სიახლეებია... 4 გოლის გატანა "ბილბაოსთან", რომელიც ძალიან მტკიცე გუნდია, იოლი სულაც არაა.

- შეიძლება თუ არა, რომ დემბელე დარჩეს? ეს ჩემი საქმე არაა. ეს მისი და კლუბის საქმეა. უსმანი პროფესიონალია და მას ყოველთვის ვიცავდი. დღეს ვნახეთ დემბელე, რომლის ნახვა ყოველთვის გვინდა.

- პედრის თამაშის ყურება განსაცვიფრებელია. ის ხშირად ანდრეს ინიესტას მახსენებს. ასეთი ნიჭიერი ფეხბურთელი ბევრი არ მინახავს.

- ლა ლიგა? არაფერს გამოვრიცხავთ. უნდა ვეცადოთ, რომ რაც შეიძლება ზედა პოზიცია დავიკავოთ.