ჟორდი ალბა: რა თქმა უნდა, კაპიტნები ბარსას ყველაფერში დავეხმარებით
ესპანეთის ნაკრებსა და ჩეხეთს შორის ხვალ გასამართ მატჩამდე, "ბარსელონას" მარცხენა მცველი, ჟორდი ალბა პრესკონფერენციაზე საინტერესო კომენტარს აკეთებს.
ხელფასის შემცირებაზე:
კაპიტნების ერთგულებაზე საუბარი ზედმეტია. ჩვენ კლუბის მდგომარეობა ვიცით და მზად ვართ, მას დავეხმაროთ - კაპიტნები ამას გავაკეთებთ. "ბარსას" მიმართ ყოველთვის თავდადებით ვართ განწყობილნი.
ანსუ ფატიზე:
მას ძალიან რთული სეზონი ჰქონდა. როცა ლაზარეთიდან ბრუნდები, სირბილისა და ტექნიკურად თამაშის გეშინია. ეს მარტივი არაა, მაგრამ ანსუ კარგად ვარჯიშობს და მოედანზე გასვლას მოუთმენლად ელის.
თუ ფატის ხვალ თამაში მოუწევს, ძალიან კარგი იქნება. თუ ასე არ მოხდება, მოდით, მომავალ სეზონზე ვიფიქროთ. ანსუმანე გულმოდგინედ მუშაობს, სიტიაციას აანალიზებს და ძალიან თავმდაბალია. ეს ყველაფერი მას კიდევ უფრო ძლიერს ხდის.
გავიზე:
გავი ძალიან ახალგაზრდაა. მისი ასაკის გათვალისწინებით, ნამდვილად გასაოცრად თამაშობს. რა თქმა უნდა, როგორც ყველა ფეხბურთელს, განვითარება პაბლოსაც სჭირდება. ის ისეთ რაღაცებს აკეთებს, რაც ძალიან იშვიათად მინახავს. მოხარულები ვართ, რომ გავი გვყავს. მას ძალიან ვაფასებ.
მომავალ სეზონზე:
რთული წელი გამოვიდა. დარწმუნებული ვარ, მომავალი სეზონი უკეთესი იქნება.
"ბარსას" ფინანსურ პრობლემებზე:
მჯერა, რომ ამ სიტუაციიდან გამოსვლას შევძლებთ. მინდა, ბევრი მოთამაშის დამატება მოვახერხოთ. ისე უნდა გავერთიანდეთ, როგორც არასდროს.
რობერტოს ახალ კონტრაქტზე:
ბედნიერი ვარ, რომ სერჟი მომავალ სეზონშიც ჩვენთან იქნება. ის გამორჩეული მოთამაშე არ გახლავთ, მაგრამ გუნდისთვის ძალიან მნიშვნელოვანი ფიგურაა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]