ჩავი ერნანდესი სევილიასთან მატჩის შემდეგ

ძალიან კარგად ვითამაშეთ, ბურთს ვფლობდით და შეგვეძლო, კიდევ უფრო დიდი ანგარიშით მოგვეგო. რთულ სტადიონზე მოგება კარგის ნიშანია.

პირველ 15 წუთში კარგად არ გამოვიყურებოდით, მაგრამ შემდეგ გუნდი დომინირებდა. მეტის გატანაც შეგვეძლო და ეს გამარჯვება იმის ნიშანია, რომ კარგ ფორმაში ვართ.

გავითი გაკვირვებული არ ვარ, რადგან მას ვარჯიშებზე ყოველდღე ვხედავ. არ მინდა, სხვებთან მიმართებით უსამართლო ვიყო, მაგრამ დღეს პაბლო ალბათ საუკეთესო იყო.

არ ველოდით, რომ მეტოქე მოედანზე 4-4-2 სქემით გამოვიდოდა, მაგრამ პედრი, ბუსკეტსი და გავი ბრწყინვალედ თამაშობდნენ - ისინი ბევრს მუშაობდნენ და გარემარბებიც ეხმარებოდნენ.

დემბელე ძალიან მომწონს, რადგან კარგი დამოკიდებულება აქვს. რაფინია და რობერტიც შესანიშნავად გამოიყურებიან და დაცვაშიც გვეხმარებიან. გვყავს ფეხბურთელები, რომლებსაც მატჩის ბედის გადაწყვეტა შეუძლიათ, და უსმანი ერთ-ერთი მათგანია.

"სევილია" საშიში გუნდია, რაც პირველი 10-15 წუთის განმავლობაში გვანახა.

სწორ გზაზე ვდგავართ და ასე გაგრძელება გვმართებს.

იმ ტემპით თამაში, როგორითაც გავი თამაშობს, გასაოცარია. ვიმედოვნებ, ის ამ დონეზე დარჩება.

მშრალად შენახული კარის ფონზე მოგება ძალიან მნიშვნელოვანია. 

პიზიციური თამაში მოგვწონს და გვყავს მოთამაშეები, რომლებსაც ბურთის სწრაფად მოძრაობით სარგებლობა შეუძლიათ. ასევე, უნდა გამოვიყენოთ შანსები, რომლებიც მატჩის განმავლობაში გვეძლევა, თუმცა, ჩემი ფავორიტი ტაქტიკა მაინც პოზიციური თამაშია.

ლევანდოვსკის მხოლოდ გოლები არ გააქვს, ის ყოველთვის სწორ გადაწყვეტილებას იღებს. რობერტი ფანტასტიკური ფეხბურთელია.

კუნდე მარჯვენა მცველად? ბელერინი დავიმატეთ, სერჟი რობერტოც გვყავს, რომელიც ყოველთვის კარგად თამაშობს... ვნახოთ, რა მოხდება. 

ტერ შტეგენი ბრწყინვალე პერიოდს ატარებს, ისევე, როგორც მთლიანად დაცვის ხაზი. "რამონ სანჩეს პისხუანზე" 3-0 ყველა ვერ მოიგებს. 

თუ ლა ლიგაზე საუბრისას მხოლოდ "ბარსელონასა" და "რეალზე" ვფოკუსირდებით, მართებული არ იქნება. დღეს მოგება მარტივი არ ყოფილა - ისეთივე ეფექტურები ვიყავით, როგორც სან სებასტიანში, მაგრამ მარტივი არაფერი იყო.

ეს გამარჯვება თავდაჯერებულობას გვმატებს. ოთხშაბათს ჩემპიონთა ლიგაზეც უნდა ვითამაშოთ და მნიშვნელოვანია, რომ გუნდი ერთიანი იყოს. როტაციასაც უნდა მივმართოთ.

გასულ კვირაში გითხარით, რომ სტანდარტულების დროს უფრო პროდუქტიულნი უნდა ვყოფილიყავით, და დღეს ასეთ სიტუაციაში გოლი გავიტანეთ. ნელ-ნელა ყველა ასპექტში ვუმატებთ და გვმართებს, საქმე ამ პოზიტივით გავაგრძელოთ.