კარლო ანჩელოტის პრესკონფერენცია ელ კლასიკოს წინ
"რეალ მადრიდის" მთავარმა მწვრთნელმა, კარლო ანჩელოტიმ ხვალინდელი "ელ კლასიკოს" წინ ჟურნალისტების კითხვებს უპასუხა. იტალიელმა "ბარსელონა" აქო და განაცხადა, რომ თანაბარ თამაშს ელის.
როგორ მოვემზადეთ "კლასიკოსთვის"? როგორც ყოველთვის, მაგრამ ამ ყველაფერს უნდა დავამატოთ ისიც, თუ რას ნიშნავს ეს თამაში ყველასთვის, ასევე გუნდების მაღალი დონე. მზადება ჩვეულებრივი იყო, მაგრამ ემატება ემოციური ასპექტი, ზეწოლა...
კურტუა თავს კარგად გრძნობს, თუმცა ძალიან ცოტა ივარჯიშა, კომფორტულად არაა და მისი თამაში გამორიცხულია. კვირის შემდეგ სიტუაციას დავაკვირდებით, მაგრამ ახლა მას ჯერ ვარჯიში ჭირდება.
რუდიგერი კარგადაა, მას დისკომფორტი არ აქვს. ის მებრძოლია.
"რეალ მადრიდი" მეორე ტაიმებში უკეთ თამაშობს, ვიდრე "ბარსა"? ვფიქრობ, ეს არის ამ ორი გუნდის მახასიათებელი, რომლებიც უნდა გავითვალისწინოთ. სიმართლეა, რომ მეორე ნახევარში ჩვენ უკეთესები ვართ ხოლმე, მაგრამ არ ვიცი, მოახდენს თუ არა ეს გავლენას ამ თამაშზე.
როდრიგო ექსტრაორდინარული ფეხბურთელია. ახლა მას მეტ სათამაშო დროს ვაძლევ და ისიც გვიჩვენებს, თუ რა შეუძლია. ამ ფეხბურთელს შეტევის ყველა პოზიციაზე თამაში შეუძლია.
იდეალური თამაში უნდა ჩავატაროთ. მხოლოდ ასეთ შემთხვევაში მოვიგებთ თამაშებსა და ტიტულებს.
"ბარსელონამ" ჩემპიონატში მხოლოდ ერთი ფრე ითამაშა. ეს გუნდი ლა ლიგაში კარგ ფორმაშია. კატალონიელებს ჩემპიონთა ლიგაზე პრობლემები აქვთ, რაც ამ ტურნირზე ხდება ხოლმე, მაგრამ ჩემპიონატში ისინი ძალიან კარგად გამოიყურებიან.
წინა წლის თამაში ხვალინდელზე გავლენას ვერ მოახდენს. ეს ახალი "ელ კლასიკოა". განსაკუთრებული თამაში გველის, თუმცა სეზონი გრძელია და ჩვენ მის მოგებას ვაპირებთ.
არ ვიცი, რამდენად იმოქმედა ჩემპიონთა ლიგაზე მომხდარმა "ბარსელონაზე". ჩვენ თამაშის მოგებაზე უნდა ვიფიქროთ. ჩვენ საქმე გვაქვს გუნდთან, რომელსაც დიდებული სეზონის ჩატარების რესურსი აქვს.
ბენზემა? მიმდინარე კვირაში ის გაცილებით უკეთ გამოიყურება.
"ბარსელონას" ისტორია ყველაფერზე ნათლად საუბრობს. ეს გუნდი თამაშობს იმ სტილში, რომელიც გულშემატკივრებს მოსწონთ. ამ სტილით მათ წარმატებებს მიაღწიეს და ისინი ასევე განაგრძობენ. სხვა გუნდებს სხვა სტილი აქვთ. ვფიქრობ, მუდმივად ერთი სტილის შენარჩუნება ბევრი რამის მანიშნებელი არაა, რადგან ფეხბურთელები იცვლებიან. უნდა ეძებო ისეთი სტილი, რომელშიც ფეხბურთელები თავს უკეთ გრძნობენ.
ჩვენ "ინტერისგან" განსხვავებულ ფეხბურთს ვთამაშობთ. მილანელებმა ხასიათი აჩვენეს, ისინი ეფექტიანები იყვნენ. წინ განსხვავებული და თანაბარი თამაში გველის.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 13 ]