ბარსელონას მემფისის სანაცვლოდ კარასკოს მიღება სურს
"ბარსელონა" და "ატლეტიკო" მემფის დეპაის ტრანსფერის საკითხზე მოლაპარაკებებს აგრძელებენ. მადრიდულ კლუბს თანხის გადახდა არ სურს, კატალონიელები კი ნიდერლანდელის უფასოდ დათმობას არ აპირებენ.
ესპანური პრესის ინფორმაციით, "ბარსელონამ" "ატლეტიკოს" დეპაისა და იანიკ ფერეირა კარასკოს გაცვლა შესთავაზა. "ბლაუგრანა" შემცვლელის დამატების გარეშე მემფისის დათმობას არ ემხრობა, ბელგიელი შემტევი კი ჩავისთვის მისაღები ვარიანტია.
"ბარსას" სურვილის მიუხედავად, აღნიშნული გაცვლის განხორციელება რთულად წარმოსადგენია. "რიხიბლანკოს" კარასკოს გაშვება არ სურს და ამასთან, კატალონიელებს 29 წლის ფეხბურთელის ხელფასის გადახდა გაუჭირდებათ.
სავარაუდოდ, კლუბები სხვა გამოსავლის მოძებნას შეეცდებიან.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 9 ]