5 მეკარე ბარსელონას რადარზე

გავრცელებული ინფორმაციით, ბარსელონა მომავალ ზაფხულში მეკარის შეძენას შეეცდება. ამ დროს ვოიცეხ შჩენსნის კონტრაქტი ამოეწურება, ტერ შტეგენი კი ტრავმას მოიშუშებს, მაგრამ ბუნდოვანია, ის რამდენად კარგ ფორმაში იქნება.

პლუს ამას, გუნდი ინიაკი პენიასაც ნაკლებად ენდობა, სწორედ ამიტომ, ახალი კიპერი სჭირდება. Mundo Deportivo-ს ცნობით, ბარსას რადარზე უკვე 5 ფეხბურთელია, კლუბში ყველაზე მეტად კი დიოგუ კოშტა (პორტუ, პორტუგალია) მოსწონთ.

გარდა ამისა, ბარსელონას სიაში არიან: ბარტ ვერბრიუგენი (ბრაიტონი, ნიდერლანდები), ჟოან გარსია (ესპანიოლი, ესპანეთი), ალვარო ვალიესი (ლას პალმასი, ესპანეთი) და მიო ბაკჰაუსი (ვერდერი, გერმანია).

ამ უკანასკნელს ბარსას გასულ ზაფხულშიც უკავშირებდნენ. ბარსელონა გერმანელს აქტიურად აკვირდება. ბაკჰაუსი, შესაძლოა, მარკ-ანდრე ტერ შტეგენის გრძელვადიანი შემცვლელი იყოს.