ლამაზი გოლი და ასისტების ჰეთ თრიქი - ლუის სუარესის ბენეფისი

დღეს გამთენიისას "ინტერ მაიამიმ" "ჰიუსტონთან" სტუმრად მორიგი მატჩი გამართა, რომელშიც ლუის სუარესმა გაიბრწყინა. სტუმრებმა მეტოქე 4-1 გაანადგურეს და ოთხივე გოლში მონაწილეობა "ბარსელონას" ლეგენდამ მიიღო.

სუარესმა თანაგუნდელებს 3 ასისტი გაუკეთა, თავად კი შესანიშნავი გოლი გაიტანა. ურუგვაელს ასისტენტობა "ბლაუგრანას" კიდევ ერთმა ლეგენდამ სერჟიო ბუსკეტსმა გაუწია.

ლიონელ მესის არ უთამაშია. მსოფლიოს ყველა დროის საუკეთესო ფეხბურთელმა შეხვედრა დასვენების მიზნით გამოტოვა.