ბარსელონა მეკარეს ეძებს - კლუბის ახალი სამიზნეები
აშკარაა, რომ "ბარსელონა" ზაფხულში მეკარის დამატებას აპირებს და ამ საკითხზე აქტიურად მუშაობს.
"ბლაუგრანას" ბოლო დროს ხშირად "ესპანიოლის" კარის დარაჯს, ჟოან გარსიას უკავშირებენ, მაგრამ კატალონიური კლუბი სხვა ვარიანტებსაც განიხილავს.
Foot Mercato-ს ჟურნალისტი სანტი აუნა იტყობინება, რომ "ბარსამ" "ბრაიტონის" კარის დარაჯის, ბარტ ვერბრიუგენის შესახებ ინფორმაცია მოითხოვა. 22 წლის ნიდერლანდელი ჟოან გარსიასთან ერთად კლუბის პრიორიტეტულ სამიზნეებს შორისაა.
Jijantes-ის ჟურნალისტის კარლოს მონფორტის ინფორმაციით, "ბლაუგრანა" "ლილის" მეკარეს, ლუკა შევალიესაც აკვირდება. კლუბი 23 წლის ფრანგს პოტენციურ ტრანსფერთან დაკავშირებით რამდენიმე თვის წინ შეხვდა, მაგრამ ჯერ სერიოზული არაფერია, რადგან "ბარსას" სხვა პრიორიტეტები აქვს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 12 ]