"ბარსელონა" ტრებლის მაძიებელთა ათეულშია

"ბარსელონა" იმ 10 ევროპულ გუნდს შორისაა, რომლებსაც, მიმდინარე სეზონში, როგორც ქვეყნის ჩემპიონატის, ასევე თასისა და ჩემპიონთა ლიგის მოგების შანსი კვლავ აქვთ.

ლუის ენრიკეს გუნდი ერთადერთია, რომელიც ჩემპიონთა ლიგაზეც თამაშობს და ესპანეთის თასის ნახევარფინალშიც გავიდა. აქედან გამომდინარე, კატალონიური გუნდი ესპანეთის ერთადერთი წარმომადგენელია, რომელსაც ტრებლის მოგების შანსი აქვს. "ბარსას" გარდა ამის შანსი აქვთ "არსენალს", "ბაზელს", "ბაიერნს", "დორტმუნდს", "იუვენტუსს", "ლევერკუზენს", "მონაკოს", პსჟ-სა და "შახტარს".