ენრიკე: "პენალტების გამოუყენებლობა არ მაწუხებს"
"ბარსელონას" მთავარი მწვრთნელი ესპანეთის ჩემპიონატის 27-ე ტურში "რაიო ვალიეკანოს" წინააღმდეგ მოპოვებული სამი ქულის შემდეგ კომენტარს აკეთებს.
მოგეხსენებათ, გუშინ მესის ჰეტ-ტრიკისა და თურანისა და რაკიტიჩის თითო-თითო გოლის წყალობით, კატალონიელებმა მადრიდელები ანგარიშით 1-5 გაანადგურეს. აღსანიშნავია, რომ მატჩის 68-ე წუთზე ლუის სუარესის მიერ დარტყმული თერთმეტმეტრიანი მეკარემ მოიგერია.
"რაიოსთან" ძალიან კარგად ვითამაშეთ. ასეთ დონეზე მოთამაშე "ბლაუგრანას" შეჩერება ძალიან რთულია", - აცხადებს ლუის ენრიკე.
"მართალია, ბოლო პერიოდში პენალტების გამოყენებაში წარმატებულნი არ ვართ, მაგრამ ეს არ მაწუხებს. რა თქმა უნდა, ეს საკითხი უნდა გავაუმჯობესოთ".
"სეზონის დასკვნითი ნაწილი ახლოვდება. ვფიქრობ, ეს ყველაზე კარგი დროა. უნდა დაველოდოთ, რათა ვნახოთ, თუ რას დავიმსახურებთ", - დაასრულა ესპანელმა სპეციალისტმა.
შეგახსენებთ, ამ დროისთვის "ბარსელონა" ლა ლიგის ცხრილს დამაჯერებლად ლიდერობს და მეორეადგილოსან "ატლეტიკოს" რვა ქულით უსწრებს.
ამ სიახლეზე კომენტარები გათიშულია.
კომენტარები [ 27 ]