ინიესტა: "ბარსელონას" მხოლოდ ფინალში გასვლა არ აკმაყოფილებს"

კატალონიის "ბარსელონას" 31 წლის ესპანელმა ნახევარმცველმა, ანდრეს ინიესტამ ჩემპიონთა ლიგის ფინალზე ისაუბრა, რომლის საგზური კლუბმა დღეს მოიპოვა. შეგახსენებთ, რომ ორმატჩიან დაპირისპირებაში კატალონიელებმა მიუნხენელები (5:3) დაამარცხეს.

"ბაიერნმა" მეორე ნახევარში უკეთ ითამაშა, მაგრამ ამჟამად ჩვენ ფინალში გასვლა უნდა ავღნიშნოთ. ჩვენ მივაღწიეთ იმას, რაც გვსურდა, მაგრამ მხოლოდ ამ ფაქტით კმაყოფილები ვერ ვიქნებით - ჩვენ ტიტულების მოგება გვსურს. შევეცდებით ფინალში გამარჯვებას." - განაცხადა, ინიესტამ.