მასკერანოს 4-მატჩიანი დისკვალიფიკაცია ემუქრება

"ბარსელონას" არგენტინელმა უნივერსალმა, ხავიერ მასკერანომ, შესაძლოა, კლუბის მიერ ესპანეთის მასშტაბით გასამართი მომდევნო 4 შეხვედრა გამოტოვოს, რისი მიზეზიც "ეიბართან" ცოტა ხნის წინ დასრულებულ მატჩში მიღებული წითელი ბარათი.

"ეიბართან" გამართული შეხვედრის (3:1) მიწურულს, მასკერანომ პირდაპირ წითელი ბარათი მიიღო. ამის მიზეზი მის მიერ გვერდითი არბიტრისთვის რაღაცის თქმაა. ჯერჯერობით უცნობია, რა უთხრა არგენტინელმა მსაჯს, მაგრამ თუ Cope-ს დავუჯერებთ, არაა გამორიცხული, სადისციპლინო კომიტეტმა მას 4-მატჩიანი დისკვალიფიკაცია მისცეს. თუ მართლაც ასე მოხდა, მასკერანო ესპანეთის თასზე "ვილიანოვენსესთან", ხოლო ლა ლიგაში "ხეტაფესთნ", "ვილიარეალთან" და "რეალთან" ვერ ითამაშებს.