"ბარსელონამ" ნეიმარი ბრაზილიაში გაუშვა

24 წლის თავდამსხმელი გარკვეულ პერიოდს სამშობლოში გაატარებს.

ესპანური გამოცემა Marca-ს ინფორმაციით, გუშინ ნეიმარი ბრაზილიაში გაემგზავრა, სადაც უახლოეს დღეებს სახლში გაატარებს. რამდენიმე დღეში მისი და თავის მე-20 დაბადების დღეს აღნიშნავს.

ახალგაზრდა ფეხბურთელმა "ბარსელონას" ხელმძღვანელობისგან სპეციალური ნებართვა აიღო, აქედან გამომდინარე, მას გაფრენა შეეძლო.

დღეს, ესპანეთის ჩემპიონატის 28-ე ტურის შეხვედრაში, სადაც კატალონიელებმა სტუმრად "ეიბარი" გაანადგურეს, ნეიმარმა მონაწილეობის მიღება ყვითელი ბარათების სიჭარბის გამო ვერ შეძლო.

წყაროზე დაყრდნობით, ნეიმარი გუნდს ხუთშაბათს, "ხეტაფესთან" მატჩისთვის მოსამზადებელ ვარჯიშში დაუბრუნდება.