სტოიჩკოვი პიკეს მხარს უჭერს

კატალონიის "ბარსელონას" ყოფილმა ფეხბურთელმა, ხრისტო სტოიჩკოვმა "ბლაუგრანას" მცველს მხარი დაუჭირა მას შემდეგ, რაც ჟერარ პიკემ ნაკრებიდან წასვლის გადაწყვეტილება გააჟღერა.

პიკეს კრიტიკის საბაბი მისი კატალონიის დამოუკიდებლობისთვის ბრძოლა და მაისურის სამკლაურების გადაჭრაა, რომელზეც "წესით" ესპანეთის დროშის ზოლები უნდა ყოფილიყო.

"პიკეს ბოლომდე მხარს ვუჭერ. რამდენჯერ უთამაშია ესპანეთის ნაკრების მაისურით ტრავმირებულს თუ სისხლით მოსვრილს? ამას არავინ არ იხსენებს. ახლა კი თითქოს მან სამკლაურები გადაჭრა... ეს სისულელეა. ვნახოთ კიდევ როდის ეყოლება ფურია როხას ჟერარის დონის მცველი." - განუცხადა სტოიჩკოვმა Cadena Cope-ს.