ერნესტო ვალვერდე: ეჭვი არ მეპარება, რომ ინიესტა გაახანგრძლივებს

"ბარსელონას" მთავარი მწვრთნელი ერნესტო ვალვერდე დარწმუნებულია, რომ გუნდის კაპიტანი ანდრეს ინიესტა კონტრაქტს გაახანგრძლივებს.

"ეჭვი არ მეპარება, რომ "ბარსელონა" და ინიესტა შეთანხმდებიან. ანდრესი კლუბის მემკვიდრეობის ნაწილია. ის თავს კარგად გრძნობს. ის ბედნიერია და უნდა, ამ კლუბს უფრო მეტი მისცეს", - აცხადებს ვალვერდე.

რამდენიმე დღის წინ "ბარსელონას" პრეზიდენტმა, ჟოზეპ მარია ბართმეუმ, განაცხადა, რომ ინიესტასთან ახალ კონტრაქტზე შეთანხმება მიღწეულია, მაგრამ შემდეგ თავად 33 წლის ფეხბურთელმა, რომელსაც მიმდინარე ხელშეკრულება მომავალი წლის ზაფხულში ეწურება, ეს სიტყვები უარყო.