ვალვერდე: არა მგონია, 7 ბურთიანი სხვაობით მოგება ისევ შევძლოთ

"ბარსელონას" მთავარმა მწვრთნელმა, ერნესტო ვალვერდემ "ვალენსიასთან" მატჩის წინ პრეს-კონფერენცია გამართა და მომავალ მეტოქეზე ისაუბრა.

"ნახევარფინალის პირველ თამაშში კარგი იქნება, თუ გოლის გატანას და კარის მშრალად შენახვას მოვახერხებთ. გამარჯვება არცერთი გუნდისთვის იოლი არ იქნება, გულშემატკივარი კი დაბალანსებულ, გახსნილ და სანახაობრივ თამაშს იხილავს.

არა მგონია, ეს შეხვედრა წინას მსგავსი გამოვიდეს. ერთი წლის წინ "ბარსელონამ" 7-0 მოიგო, მაგრამ მაშინ ვალენსიელები სულ სხვა მდგომარეობაში იყვნენ, ახლა კი ისინი კარგ ფორმაში არიან და თავისუფლად შეუძლიათ, ნებისმიერი მატჩის მოგებაზე იფიქრონ. "ვალენსიას" სწრაფი ფორვარდები ჰყავს, ეს გუნდი მოედანზე სივრცეებს არ ტოვებს. კლასიკური 4-4-2 ფორმაცია მათ კარგად აქვთ დამუშავებული, ასევე სახიფათონი არიან კონტრ-შეტევაზე". - განაცხადა ვალვერდემ.