ერნესტო ვალვერდე "ჟირონასთან" მატჩის შემდეგ
"ბარსელონას" მთავარმა მწვრთნელმა, ერნესტო ვალვერდემ "ჟირონასთან" მატჩი შეაჯამა.
"პირველ წრეში მათ სტილს ვაკვირდებოდი. როცა "ჟირონას" ფეხბურთელები უტევენ, წინ საკმაოდ ბევრი ფეხბურთელი მიდის და უკან თავისუფალი სივრცე რჩება, რაც უფრო მეტი მომენტის შექმნის საშუალებას გაძლევს. რა თქმა უნდა, მათი სხვა თვისებებიც შევისწავლეთ. ყველა გუნდს აქვს განსაკუთრებული იარაღი და შესაძლებლობა, რომლის გამოც ხიფათის მოტანა შეუძლია.
კოუტინიომ შესანიშნავი გოლი გაიტანა, ის ნახევარდაცვაში ძალიან კარგად თამაშობს.
დემბელე ჯერ კიდევ ძალიან ახალგაზრდაა. ტრავმების გამო მას ადაპტაციის პერიოდის გამოტოვება მოუხდა, ასე რომ, კიდევ ბევრი მუშაობა სჭირდება.
მესი ძალიან რთულ მოქმედებებს ადვილად წარმოგვიჩენს. ყოველთვის, როცა ჩათვლი, რომ ფეხბურთში ყველაფერი გინახავს, ის აუცილებლად გაგაკვირვებს. მისი თამაშის შეფასება ძნელია".
ამ სიახლეზე კომენტარები გათიშულია.
კომენტარები [ 6 ]