"რეალი" "კამპ ნოუზე" განადგურდა: 5-1
ლა ლიგის მე-10 ტურში, "ბარსელონამ" მადრიდის "რეალი" დიდი სხვაობით დაამარცხა.
ანგარიში მატჩის დასაწყისში, ფილიპე კოუტინიომ გახსნა, 30-ე წუთზე კი სტუმართა კარში დანიშნული პენალტი ლუის სუარესმა გამოიყენა.
მეორე ნახევრის სტარტზე, 50-ე წუთზე, მარსელომ სხვაობა შეამცირა. სიტუაცია დაიძაბა და მცირე პერიოდის განმავლობაში "რეალი" უპირატესობასაც ფლობდა, მაგრამ 75-ე წუთზე ურუგვაელი თავდამსხმელის მიერ გატანილმა მეორე გოლმა თამაშის ბედი გადაწყვიტა. "ბარსა" სრულ უპირატესობას დაეუფლა და დარჩენილ დროში კიდევ ორი გოლი გაიტანა. ჯერ, სუარესმა ჰეთ-თრიქი გაიფორმა, შემდეგ კი ცვლილებაზე გამოსულმა არტურო ვიდალმა ასევე ცვლილებაზე გამოსული უსმან დემბელეს პასით შეაგდო.
შედეგად, "ბარსელონა" ლიდერობას ინარჩუნებს. ერნესტო ვალვერდეს გუნდს 21 ქულა აქვს და მასთან ყველაზე ახლოს 19 ქულით მადრიდის "ატლეტიკოა". ოთხეულში "ესპანიოლი" და "ალავესიც" არიან.
ამ სიახლეზე კომენტარები გათიშულია.
კომენტარები [ 13 ]