ერნესტო ვალვერდე "ესპანიოლთან" მატჩის შემდეგ

"ბარსელონას" მთავარმა მწვრთნელმა, ერნესტო ვალვერდემ, "ესპანიოლთან" შეხვედრის შემდეგ ჟურნალისტებთან ისაუბრა. 

"რა შეიძლება ვთქვა მესიზე? ის ყველა თამაშში, რომელშიც მონაწილეობას იღებს, გამორჩეულია. უზომოდ გაგვიმართლა, რომ ის ჩვენს გუნდშია. განუმეორებელი ერის მოწმეები ვართ. 

აღსანიშნავია, რომ ლეო ოქროს ბურთის ნომინანტებს შორის ვერ მოხვდა. არ ვიცი, რამდენად ღელავს ის ამაზე, ეს მას უნდა კითხოთ, მაგრამ ის, რომ მესის  საუკეთესოებს შორის არ ასახელებენ, გაკვირვებას იწვევს. 

საერთო ჯამში, კარგი მატჩი გამოგვივიდა. ვიცოდით, რომ "ესპანიოლთან" თამაში საკმაოდ დიდ სირთულეს წარმოადგენს, განსაკუთრებით მათ მოედანზე, თანაც ეს დერბია, დერბი კი ყოველთვის განსაკუთრებულ დატვირთვას ატარებს. 

კარგია, რომ პირველ ადგილზე ვართ, თუმცა ამაზე საუბარი ჯერ ძალიან ადრეა. ცხრილში დიდი სიმჭიდროვეა და თამაში ძლიერი ოპონენტების წინააღმდეგ გვიწევს, ამისთვის კი მხოლოდ მომატებაზე უნდა ვიფიქროთ".