34 მატჩი წაგების გარეშე

ხვალ, "ბარსელონა" ჩემპიონთა ლიგის მეხუთე შეხვედრაში დორტმუნდის "ბორუსიას" უმასპინძლებს და ეცდება, F ჯგუფში პირველი ადგილის დაკავება ბოლო ტურამდე არ გადადოს. 

სტატისტიკური მაჩვენებლის მიხედვით, კატალონიელებს დიდი უპირატესობა აქვს: "ბარსელონა", 34 მატჩია, საკუთარ მოედანზე არ დამარცხებულა. 

ევროპის ყველაზე პრესტიჟულ ტურნირზე "ბარსა", "კამპ ნოუზე", ბოლოს 2013 წლის მაისში დამარცხდა - მაშინ, მეტოქე მიუნხენის "ბაიერნი" იყო. ამის შემდეგ, კატალონიურმა გრანდმა 30 შეხვედრა მოიგო, 4 ფრედ დაასრულა, 101 გოლი გაიტანა და მხოლოდ 16 გაუშვა. 

აღსანიშნავია, რომ "ბარსელონამ" კარი მშრალად 18 მატჩში შეინახა, სამი ან მეტი გოლის გატანა კი 21 თამაშში შეძლო.