გრიზმანის მიზანი ძირითად შემადგენლობაში დაბრუნებაა

"ბარსელონას" ფრანგი შემტევი ანტუან გრიზმანი "იუვენტუსთან" მატჩში გუნდის სასტარტო შემადგენლობაში დაბრუნებას აპირებს.

29 წლის ფეხბურთელი სეზონის დასაწყისში ძირითადი შემადგენლობის უცვლელი წევრი იყო, თუმცა, ბოლო 2 შეხვედრაში გრიზმანმა, უსახური თამაშის გამო, კუთვნილი ადგილი დაკარგა. "ფერენცვაროსთან" მატჩში ანტუანს საერთოდ არ უთამაშია, "ელ კლასიკოში" კი ის მოედანზე 82-ე წუთზე გავიდა.

გუშინ "ბლაუგრანას" ოფიციალურმა ვებგვერდმა გაავრცელა ინფორმაცია, სასტარტო შემადგენლობის წევრი ფილიპე კოუტინიო ტრავმირებულია. AS-ის ცნობით, ბრაზილიელ ფეხბურთელს 3 კვირა გაუცდება, რაც იმას ნიშნავს, რომ შეტევაში ადგილი თავისუფალია. გრიზმანს სურს ეს შანსი მაქსიმალურად გამოიყენოს და ძირითადში დაბრუნდეს.