ჩავის მორიგი ტრიუმფი კატარში

"ბარსელონას" ლეგენდა ჩავი ერნანდესი და მისი ახლანდელი გუნდი "ალ სადი" კვლავ ბრწყინვალედ გამოიყურება. ლეგენდარული ესპანელის შეგირდებმა გუშინ კატარის ჩემპიონატის მე-15 ტურის მატჩში "ალ ხორი" 7-0 გაანადგურეს.

Mundo Deportivo-ს ცნობით, კატარის ჩემპიონატის დასრულებამდე 7 ტური დარჩა, 40 წლის სპეციალისტის დარიგებული გუნდი კი სატურნირო ცხრილში მეორეადგილოსან "ალ დუჰაილს" უკვე 13 ქულით აღემატება.

ცნობისთვის, "ალ სადი" მიმდინარე სეზონში დაუმარცხებელია. ჩავის გუნდს 15 ჩატარებულ შეხვედრაში წაგება არ აქვს. მის აქტივში 13 მოგება და 2 ფრეა.

ივარაუდება, რომ ჩავი ერნანდესი "ალ სადის" შემდეგ სამწვრთნელო კარიერას ამჯერად მის მშობლიურ კლუბში გააგრძელებს.