ბარსელონას პრიორიტეტი ფერან ტორესის შეძენაა - Sport
ზამთრის სატრანსფერო ფანჯრის მოახლოებასთან ერთად "ბარსელონა" "მანჩესტერ სიტის" შემტევის, ფერან ტორესის გაფორმებას უფრო და უფრო მეტად ცდილობს.
"ბარსელონა" გუნდის გაძლიერებას ისედაც აპირებდა, ჩემპიონთა ლიგიდან გამოვარდნამ კი ეს აუცილებელი და უფრო საჩქარო გახადა. "ბლაუგრანას" მთავარი მწვრთნელის, ჩავი ერნანდესის სურვილი ტორესის დამატებაა, რადგან ის მიიჩნევს, რომ 21 წლის ფეხბურთელის მოსვლა შეტევაში პრობლემებს გარკვეულწილად მოაგვარებს.
ვრცელდება ცნობები, რომ "სიტი" ფერანთან განსაშორებლად მზადაა, მაგრამ "ქალაქელები" 60 მილიონ ევროს ითხოვენ, "ბარსა" კი ინგლისურ კლუბს 45 მილიონს სთავაზობს. ივარაუდება, რომ ზამთრის სატრანსფერო ფანჯრის დასრულებამდე კლუბები ფინანსურ საკითხზე შეთანხმდებიან, თუმცა, იმისათვის, რომ "ბლაუგრანამ" ესპანელი შემტევი დაიმატოს, კატალონიელებმა რამდენიმე ფეხბურთელი უნდა გაუშვან და სახელფასო ფონდი გამოათავისუფლონ.
Sport-ის ინფორმაციით, "ბარსა" ფერან ტორესის შეძენას პრიორიტეტად მიიჩნევს და კატალონიური კლუბი ამისათვის ყველაფერს გააკეთებს.
ამ სიახლეზე კომენტარები გათიშულია.
კომენტარები [ 12 ]