ჟიულ კუნდემ, შესაძლოა, გამპერის თასზე ითამაშოს

გუშინ ოფიციალურად დადასტურდა, რომ ჟიულ კუნდემ სამედიცინო შემოწმება წარმატებით გაიარა და მისი ტრანსფერი დახურულია.

დღეს, ისევე, როგორც გუშინ, ფრანგმა მცველმა სიუტატ ესპორტივაზე ინდივიდუალურად ივარჯიშა. მას ოპერაცია ახალი გაკეთებული აქვს და ჯერ სრულად მზად არაა.

მიუხედავად ამისა, Mundo Deportivo-ს ინფორმაციით, გამორიცხული არაა, კუნდემ 7 აგვისტოს, გამპერის თასზე ითამაშოს.

კლუბის დამაარსებლის სახელობის ამხანაგურ ტურნირზე "ბარსა" მექსიკურ "პუმასს" დაუპირისპირდება. მატჩი თბილისის დროით 20:00 საათზე, "კამპ ნოუზე" გაიმართება.