ჩავი ერნანდესი ჟირონასთან მატჩის წინ
"ბარსელონას" მთავარმა მწვრთნელმა, ჩავი ერნანდესმა "ჟირონასთან" მატჩის წინ პრესკონფერენცია გამართა.
"ჟირონა" ერთ-ერთი ლიდერია, ბევრისთვის გასაკვირად მაგრამ არა ჩვენთვის. მიჩელი დიდი მწვრთნელია, რომელიც ჩვენნაირად აზროვნებს, ბურთის ფლობის მხრივ. "ჟირონა" თამაშის ბევრ ასპექტში დომინირებს.
ჩვენ ტერ შტეგენის შემცვლელს არ გავიფორმებთ. ჩვენს მოთამაშეებს ვენდობით. ინიაკი პენიამ ძალიან მაღალ დონეზე ითამაშა.
პაბლო ტორე ჩვენ წინააღმდეგ არ თამაშობს, ვფიქრობ ეს ნორმალურია. ჩვენმა მოთამაშეებმა ჩვენ წინააღმდეგ არ უნდა ითამაშონ. ჟოაუ ფელიშმა "ატლეტიკოს" წინააღმდეგ ითამაშა და ვნახეთ, თუ როგორ დასრულდა ეს.
პაუ კუბრასი ძალიან მაღალ დონეზე ვარჯიშობს. თუ ის ხვალ დაგვჭირდება, ითამაშებს.
იმედია კანსელუსაც და ფელიშსაც შევინარჩუნებთ წლების განმავლობაში. ამ სეზონში ისინი ძალიან მნიშვნელოვანები არიან ჩვენთვის.
ორიოლ რომეუ ბოლო დროს ნაკლებად თამაშობს, მაგრამ სეზონი ძალიან გრძელია და საბოლოოდ, მას კიდევ ექნება შანსი.
ინიაკი პენია გასახდელ ოთახში ყველასთვის სამაგალითო იყო. ის წარმოუდგენელ დონეზე ვარჯიშობს და ეს არის დამოკიდებულება, რომელიც მინდა ყველა მოთამაშეს ჰქონდეს.
ალეიშ გარსია შესანიშნავი მოთამაშეა. მან თქვა, რომ მას "ბარსაში" თამაში სურს და მე მესმის ეს. ვინ არ მოისურვებს ისეთ კლუბში თამაშს, როგორიც "ბარსაა".
ერიკ გარსია ხვალ ჩვენ წინააღმდეგ ითამაშებს, რადგან მისი გადასვლის საკითხი სატრანსფერო ფანჯრის ბოლო მომენტში გადაწყდა და ჩვენ არ გვქონდა დრო, რათა გარიგებაში ეს პუნქტი ჩაგვენიშნა. მას ბრწყინვალე სეზონი აქვს და მის გამო ბედნიერი ვარ, მაგრამ "ბარსაში" და "ჟირონაში" თამაში ერთმანეთისგან განსხვავდება.
გიუნდოგანი არის მოთამაშე, რომელსაც კარის წინ დაფინიშება კარგად შეუძლია, მაგრამ მირჩევნია ის სიღრმიდან ვათამაშო, რათა კონსტრუქციასა და ზურგიდან თამაშს დაეხმაროს.
- განაცხადა ჩავიმ.
ამ სიახლეზე კომენტარები გათიშულია.
კომენტარები [ 5 ]